Trending
الأحد، 19 نوفمبر 2017

عليّ خاطرها



قصيدة عليّ خاطرها 



علي خاطرها 
العين ياللي شالت امعاك نظرها 
تواضع الها ونشد 

تواضع الها ياغالى 
عليها عليش ابغطرسه متعالى ؟!
ما تريد تبقى كل يوم اتشالى 
وراك وانت مو حاسب احساب ضررها 
العين فارقت مامن اوجوه غوالى 
وكم جرح من جر الغلا ساطرها 

تواضع الها وانشدها
وسيب اللي قدامها وبعدها 
وهيت ما لكلام اللي انجا يسعدها 
حتى والوجوه اتبان بموايرها 
مانك اللي كي لولى زاهدها 
وساحب معالدنيا ودوج بشرها 
ولا نك اللي كي لولي ... جاحدها 
احكاية غلا شارب قطير زهرها
واليوم من جفاك ومن عكاس سعدها 
العين ضاع يابسها وضاع خضرها 

تواضع الها كنيبها
 ايروق بالها بالك ايخف نحيبها 
لاجل سريبك يا عزيز سريبها 
مشغال سر طربتها ,, و سركدرها 
لوكان تلقطه من فجرها لمغيبها 
تذكارك ,, دوا فى لوله وآخرها 
واليوم مى على بالك ولا تدريبها 
ولا نك اللي فى حالها " ناكرها " 

روف ابحالها 
وتواضع الها وانشد ورد اسوالها 
ما اتريد تبقالك ولا تبقالها 
الدنيا فنت واجد ,, قديم جررها 
ولاانقولك عينى دوا تلقلها 
مامن اللي فيها جرا وقهرها 
ماعمر شى ردن اعطاش ارسالها 
شراب سيلها مامن اجواف غمرها 
ولاعمر حطت عالهزيل اثقالها 
ايشيل غير فالحمل الثقيل ضهرها 
ولها الوقت مازالن اعزوم اجمالها 
اشداد ,, فالشدايد كلشى تقدرها

تواضع الها واحكيلها 
وجود بيش ماتقدر ابها ,, واصغيلها 
واحسب مقاليب الايام وميلها 
واعرف البذره قبل ما تبذرها
وانكان مي على بالك العين دليلها 
ايعاود على قولت بعد خطّرها 

علي خاطرها 
العين يالي شالت امعاك نظرها 
تواضع الها ونشد 



كلمات دلالية : قصيدة ، قصائد ، شعر شعبي ليبي

-->
عليّ خاطرها Reviewed by الحريف on نوفمبر 19, 2017 Rating: 5 قصيدة عليّ خاطرها  علي خاطرها  العين ياللي شالت امعاك نظرها  تواضع الها ونشد  تواضع الها ياغالى  عليها عليش ابغطرس...

ليست هناك تعليقات: