اعلان بالهيدر

مش نا لى نضعف انكان خطرتى


اهداء لكل محبي الشعر الشعبي في مدونتنا 

مش نا لى نضعف انكان خطرتى . ومش نا لى نبكى على ماضيك

مانقولك ليش وعليش غدرتى . حقك عليا لا انعاتبك ولا انشاكيك

شن ايصير يا فلانه انكان هجرتى . فى دنيتى عايش بلاك وبيك

ولو فى السماء مليون فجوه درتى . ماعاد نشبكن ايدى فيديك

الله يسامحك هضه عليش اقدرتى . بلاش بعتى كل شى شاريك

من لاشى درتك شى به افتخرتى . كيف مارفعتك نقدر انواطيك

وكيف ما كبرتى فى العيون صغرتى . وكيف ما صفحه فتحتها نطويك

شور الاوهام يا واهمه سافرتى . وسيبتى الحقيقه من الجهل عاميك

ما تقول فى ما فات بى كبرتى . يا الواهمه تستاهلى ما يجيك

امحينى ونا نمحاك من ذاكرتى . وماعاد نسهر على شاطيك

ويلى العمر ضيعتى وما دبرتى . ما لقيت ما نقولك ..(الله يهديك)



كلمات دلالية : قصيدة ، قصائد ، شعر شعبي ليبي
-->

ليست هناك تعليقات